Er fod holl ddisgyblion oed cynradd bellach yn cael yr hawl i brydau ysgol am ddim, gallai fod mwy o help ariannol ar gael i chi trwy’r Grant Hanfodion Ysgol.

Diben y Grant Hanfodion Ysgol yw rhoi cymorth ariannol i deuluoedd ar incwm isel i brynu:

• Gwisg ysgol gan gynnwys cotiau ac esgidiau;
• Cit chwaraeon ysgol gan gynnwys esgidiau;
• Gwisg ar gyfer gweithgareddau cyfoethogi, gan gynnwys ond heb fod yn gyfyngedig i’r canlynol, sgowtiaid; geidiaid; cadetiaid; crefftau ymladd; chwaraeon; celfyddydau perfformio neu ddawns;
• Cyfarpar e.e. bagiau ysgol a deunyddiau swyddfa;
• Cyfarpar arbenigol lle mae gweithgareddau cwricwlwm newydd yn dechrau megis dylunio a thechnoleg;
• Cyfarpar ar gyfer teithiau y tu allan i oriau ysgol fel dysgu yn yr awyr agored e.e. dillad glaw.
• Offer TG – gliniaduron a thabledi yn unig. Bydd angen i chi gadarnhau na all ysgol eich plentyn roi benthyg gliniadur/tabled iddo i’w defnyddio gartref.

Mae cyllid o hyd at £125 ar gael i bob plentyn cymwys (o’r Derbyn i Bl11), ac eithrio’r rhai ym Mlwyddyn 7 sydd â hawl i £200.

O wneud cais a derbyn yr hawl at y Grant, byddwch hefyd yn sicrhau cyllid ychwanegol i’r ysgol er mwyn cefnogi dysgwyr difreintiedig.

Darllenwch mwy am y Grant gan ddilyn y ddolen isod.

Grant Hanfodion Ysgol – Cyngor Sir Ceredigion

Os ydych chi’n riant i ddisgybl o’r Derbyn i Flwyddyn 11 a’ch bod yn credu eich bod yn gymwys – gwnewch gais yma.

Prydau Ysgol am Ddim (ceredigion.gov.uk)

Fel arall, cysylltwch â’r Awdurdod Lleol ar (01545) 570 881 er mwyn cwblhau cais dros y ffôn.