Blaenoriaeth Cylch Meithrin Llechryd yw hapusrwydd a diogelwch pob plentyn. Mae ein hamgylchedd cartrefol a hapus yn cynnig y gofal gorau posibl, a’r cyfle i bob plentyn ddysgu a datblygu i’w llawn botensial. Mae’r lleoliad yn cynnig teganau ac adnoddau o’r safon uchaf, sy’n briodol i anghenion, datblygiad ac oedran y plant.

Dechrau’n Deg – Mae’r Cylch yn dod o dan Ardal Dechrau’n Deg Ceredigion. Mae hyn yn golygu bod teuluoedd cymwys yn derbyn hyd at 12.5 awr yr wythnos o ofal plant am ddim, o’r tymor yn dilyn eu hail ben-blwydd. Gofynnwch yn y Cylch neu i’ch Ymwelydd Iechyd am fwy o wybodaeth.
Addysg gynnar wedi’i hariannu – Efallai y bydd cyllid ar gael i blant yn y tymor yn dilyn eu trydydd penblwydd.